Монгол Улсын Ерөнхий сайдын ивээл доор МУ-ын иргэний андгай өргөх ёслол 2002 оноос 17 дэх удаа зохион байгуулагдаж байгаа билээ.Залуу үеийнхэнд эх оронч сэтгэлгээг төлөвшүүлэх, төр улсаа эрхэмлэн дээдлэх, эх орон ард түмнийхээ өмнө хүлээх хариуцлагаа ухамсарлан чин шударгаар амьдрах, түүх соёлоороо бахархах үзлийг төлөвшүүлэх зорилготойгоор жил бүр 16 нас хүрсэн сурагчид иргэний андгай өргөж,  иргэний үнэмлэхээ гардан авдаг уламжлалтай.

Монгол улсын иргэний андгай өргөх ёслолыг аймгийн ГБХЗХГ-аас зохион байгуулж тус арга хэмжээнд Сумын ИТХ-ын дарга Д.Баасанжав, Засаг дарга Б.Эрдэнэжаргал, ЗДТГ-ын дарга Т.Ганбат болон байгууллагын удирдлага, албан хаагч нар оролцож хүүхэд залууст хандаж хичээл номдоо шамдаж, эрдэм боловсролтой, хариуцлагатай, хүмүүжилтэй, иргэн болж төлөвшихийг уриалав. Андгай өргөх ёслолд Сайхандулаан сумын 16 нас хүрсэн хүүхдүүд оролцож иргэний үнэмлэх, БАТЛАМЖ гардан авлаа.16 нас хүрсэн залуучууд нийгмийн өмнө үүрэг хүлээж, эх орны хөгжил цэцэглэлтэд хувь нэмэр оруулж, чин шударга иргэн байх үүргээ ёс төртэйгөөр биелүүлэхээ андгайлан тангараглав. 

Монгол улсын Иргэний андгай
Төрт ёс эртний их түүх соёлтой
Тусгаар тогтносон Монгол улсын иргэн-Би
Хүчирхэг төрийнхөө дор, хуулийг чандлан сахиж
Эв нэгдэл, эрх чөлөөг дээдлэн
Эх орон, тусгаар тогтнолоо, амилан хайрлаж
Хүмүүнлэг иргэний ардчилсан нийгмийн төлөө
Эрдэм боловсролтой хүнлэг, энэрэнгүй, журамт иргэн байхаа
Эх орон эрэлхэг дээдсийн удам, ард түмэндээ андгайлж байна.