Сумын Засаг дарга Б.Эрдэнэжаргалаар  ахлуулсан сумын Онцгой комиссын анхдугаар хуралдаан /2020.01.27/ боллоо. Хуралдаанаар өвөлжилт, хаваржилтын нөхцөл байдал, мөн дэлхий нийтийг цочроогоод байгаа Корона буюу Титэм вирус халдварт өвчнөөс урьдчилан сэргийлэх бэлэн байдлын талаар хуралдан сумын онцгой комиссын 2020 оны 01 дүгээр албан даалгаварыг сумын нутаг дэвсгэрт хэрэгжүүлэх үүрэг чиглэл өгч цаг үеийн байдалд тулгамдсан зарим асуудлыг шийдвэрлэлээ.Тухайлбал:

- Олон нийтийн арга хэмжээ болон үзвэр үйлчилгээ, аялал зугаалга, тэмцээн уралдаан зохион байгуулахгүй байх,

- Эрүүл мэндийн байгууллагуудын хүний нөөц , эм, эмнэлгийн хэрэгсэл, тоног төхөөрөмжийг бэлтгэж эмнэлгийн тусламж оношлуур, ариутгал үйлчилгээний бэлэн байдлыг хангах,

- Онцгой байдал, Эрүүл мэндийн газар үнэн зөв бодит мэдээлэл иргэдэд түргэн шуурхай хүргэх,

- Корона вирусын тархалттай холбогдуулан сумын Засаг даргын 2020 оны А/07  дугаар захирамжаар хариуцлагатай жижүүрийн хуваарийг гарган өдөр бүр 08:00-18:00 цагт хүртэл ажиллахаар шийдвэрлэлээ.