Сумын далбаа/туг/-ны тайлбар

         Сумын далбаа  нь  гадаад, дотоод  арга хэмжээнд  сумыг төлөөлөх бэлэгдэл мөн.  Далбаа нь 1метр 40см урт, 70 см өндөр байх бөгөөд далбааны гол хэсэгт 40 см хөх өнгөн хэсэгтэй байна.  Далбааны цагаан өнгө нь  сүүн цагаан өнгө, сумын нутагт байдаг 33 цагаан овоогоор байгаль эх дэлхий, сэтгэлийн бэлэгдэл, хөх өнгө нь мөнх тэнгэрээ шүтэн бишрэхийн бэлэгдлийг илэрхийлнэ. Далбааны эхний цагаан дэвсгэрийн  2 талд  сумын бэлэгдэл эмблем байрлуулж ширж оёсон байна.

Сумын эмблем /лого/- ийн тайлбар

         Сумын эмблем /лого/нь «Хөх тэнгэр, нар бэлэгдсэн хосолмол өнгө бүхий фонтой, байгаль экологийн тэнцвэртэй байдлыг илэрхийлсэн хадан цохион дээр зогсож буй аргалын угалз, говийн урт наст хайлаас мод, түмэн тэмээгээ тэмээний дүрс бүхий зураг, дугараг хүрээнд сумын нэр Сайхандулаан, төвийн нэр Өлзийт « хэмээн том үсгээр өнгө ялган байрлуулсан байна.