/Маскаа тогтмол зүүцгээе аян/
Сумын онцгой комиссын 2020 оны 04 дүгээр сарын 20-ны өдрийн хуралдаанаар Улс, аймгийн онцгой комиссоос гаргасан шийдвэрүүдийг танилцууллаа.
Улсын Онцгой комиссын "амны хаалтаа зүүцгээе" ажлын удирдамж, аймгийн Онцгой комиссын "Масктай Дорноговь" аяны хүрээнд цаашид авч хэрэгжүүлэх ажлын төлөвлөгөөг хэлэлцлээ. Уг хуралдаанаар дараах шийдвэрүүдийг гаргалаа.
1. "Масктай Дорноговь" аяны хүрээнд гудамж, нийтийн талбай зарын самбаруудад COVID-19-с урьдчилан сэргийлэх чиглэлээр мэдээ мэдээллийг байршуулах
2."Маскаа зүүцгээе" аяны хүрээнд сайн дурын бүлгэм байгуулах
3. Сайн дурын бүлгэмийн үйл ажиллагааг аяны хугацаанд 8-н удаа зохион байгуулах
4."Масктай Дорноговь" аяны хүрээнд COVID-19-с урьдчилан сэргийлэх чиглэлээр сургалт сурталчилгааг 30 удаа зохион байгуулах
5."Масктай Дорноговь" аяны хүрээнд ариутгал халдваргүйжилтийн ажлыг аяны хугацаанд 3 удаа зохион байгуулах
6."Масктай Дорноговь" аяны хүрээнд Зорилтот бүлгийн амьжиргааны түвшингээс доогуур орлоготой / Өндөр настан,и хөгжлийн бэрхшээлтэй, өрх толгойлсон олон хүүхэдтэй иргэд/-д маск тараах ажлыг зохион байгуулах
7. Төрийн болон худалдаа үйлчилгээний газрууд иргэдэд үйлчилгээ үзүүлэхдээ амны хаалтгүй иргэнд үйлчлэхгүй байх шаардлагыг тавьж анхааруулга санамж байршуулан халдварт өвчнөөс урьдчилан сэргийлэх ажлыг эрчимжүүлэх
8. 7 хоног бүрийн баасан гаригийн 11 цагт сумын онцгой комисс хуралдаж "Масктай Дорноговь" аяны хүрээнд хийх ажлын төлөвлөгөөний хэрэгжилтийн дүнг хэлэлцэх