Сумын Засаг даргын Тамгын газар  “Үйлчилгээний  төгөлдөршлийг сайжруулах жил”-ийн арга хэмжээний  хүрээнд   Монгол ВИ.И.ТИ.НЕТ ТББ-тай хамтран  төрийн байгууллагуудын албан хаагчдад зориулсан “Харилцааны сэтгэл зүй” сэдэвт лекц уншив.

Уг лекцийг  Монгол ВИ.И.ТИ.НЕТ ТББ-ийн төслийн зохицуулагч Д.Бодьсайхан  уншиж, тэрээр  лекцийнхээ  агуулгыг  “Хүн бол бие хэл сэтгэлийн нэгдэл. Хүний зүрх сэтгэл эрүүл байвал харилцаа эрүүл байна” гэж тодотгож байв.

Хүн өөрийн  харилцаандаа гаргадаг сөрөг хандлагуудыг мэддэг хирнээ түүнийгээ засах, өөрийгөө  өөрчлөхөд төдийлэн анхаардаггүй байна.

Тэгвэл энэхүү лекцээр   харилцаанд гараад байгаа сөрөг хандлагаа өөрчлөх эерэг сайхан олон боломжууд байдгийг жишээ баримтанд тулгуурлан ярьж танилцуулсан нь   ухаарал, сургамж  төрүүлсэн сайхан арга хэмжээ боллоо.