2019 оны 5-р сарын 26-ны өдөр Аймгийн ЭМГ, БТСГ-аас хамтран зохион байгуулсан “Хийн дасгалын аймгийн аварга шалгаруулах 12 дахь удаагийн тэмцээн” амжилттай болж өнгөрлөө. Тэмцээнд 2 насны ангилалд 15 байгууллагын 24 багийн 240 тамирчин оролцлоо. Сайхандулаан сумаас 10 хүний бүрэлдэхүүнтэй "Залуус" баг амжилттай оролцон ДЭД байранд орж ӨРГӨМЖЛӨЛ, МӨНГӨН МЕДАЛЬ.аар шагнагдсан амжилтыг үзүүллээ.
Хийн дасгал тогтмол хийх нь бие махбодь, оюун ухааны аль алинд нь ашигтай. Хийн дасгал нь өвчнөөс урьдчилан сэргийлэх, биеийг чийрэгжүүлэх, өвчнийг эмчлэн эрүүлжүүлэх ач холбогдолтой. Хүний биеийн дархлаажилт сайжран, эд эс нөхөн төлжигдөж, биеийн физиологийн хэвийн үйл ажиллагаа хангагддаг. 
“Биеэ тэтгэн чийрэгжүүлэх хөдөлгөөн” хийн дасгал нь настан төдийгүй бүх насны хүмүүс хийж болох хүний биеийн бүх булчин, шөрмөс, үеийг хөдөлгөөнд оруулдаг, махбодыг эрүүл чийрэг болгож, өвчнөөс урьдчилан сэргийлэх, урт наслуулах ач холбогдолтой дасгал юм.