Монгол Улсын засгын газрын “Хурдан морины уралдааны талаар авах зарим арга хэмжээний тухай” 2019 оны 57 дугаар тогтоолоор жил бүрийн 11 дүгээр сарын 1-ээс 5 дугаар сарын 1 хүртэл хурдан морины уралдаан, сунгаа, үсэргээ зохион байгуулахыг хориглосон боловч морь сонирхогч иргэд, уяачид нийлж дур мэдэн алдар цол, шагнал тэмдэглэх, морио хөлслөх нэрийдлээр бооцоот болон хурдан морины уралдаан, сунгаа, үсэргээ зохион байгуулж байна.
Дэлхий даяар шинэ төрлийн Ковид-19 халдварт өвчин дэгдсэнтэй холбогдуулан энэ оны 5-р сарын 1-ээс эхлэн хурдан морины сунгаа, үсэргээ, уралдааныг нутаг дэвсгэрийн хэмжээнд зохион байгуулахгүй байх, уралдаанч хүүхдийн амь нас, эрүүл мэнд хохирохоос урьдчилан сэргийлэхийг малчид, ард иргэдэд анхааруулж байна.