Өнгөрсөн амралтын өдөр Олон Улсын Хүүхдийн Эрхийг Хамгаалах Өдрийг сумын хэмжээнд тусгай хөтөлбөрийн дагуу өргөн дэлгэр тэмдэглэн өнгөрүүллээ. Сайхандулаан нутгийнхаа гэрэлт ирээдүй болсон Эрхэм хүндэт хүүхэд багачуудынхаа дунд "Ирээдүйн хүчтэн" үндэсний бөрийн барилдаан, ЕБС-ийн суралч эцэг эхчүүдийн дунд "Аав, ээж, би" хөгцөөнт тэмцээн зохион байгуулж, Аймгийн ИТХ-ийн төлөөлөгч Х.Батбаатар, Ахмадын хорооны дарга С.Дэмбэрэл, сумын иргэдийн төлөөллөөс сумын зорилтот бүлгийн хүүхдүүдэд бэлэг өгч баярлууллаа. Мөн 4 болон 6 хүүхэд өсгөж хүмүүжүүлсэн энэрэлт ээжүүддээ алдарт эхийн 1,2-р одон гардуулах хүндэтгэлийн арга хэмжээг зохион байгууллаа. 
Анх “Женевт” 1925 онд хүүхдийн сайн сайхны төлөө дэлхийн чуулга уулзалт болж, тэрхүү чуулга уулзалтаас 6 дугаар сарын 1-ний өдрийг дэлхий нийтээрээ “Хүүхдийн эрхийг хамгаалах өдөр болгох уриалга гаргаж, улмаар 1951 онд Олон улсын ардчилсан эмэгтэйчүүдийн холбооноос хүүхдийн эрхийг хамгаалах өдрийг улс орон бүр тодорхой өдөр тэмдэглэж, хүүхэд багачуудаа баярлуулж байхаар шийдвэрлэсэн. Манай улсын хувьд 1952 оноос эхлэн 6 дугаар сарын 1-ний өдрийг “Хүүхдийн баяр”-ын өдөр болгон тэмдэглэж ирсээр 67 дахь жилдээ тэмдэглэж байна.