Дорноговь аймгийн ИТХ-ын 2017.05.17-ны өдрийн 43 дугаар тогтоолоор батлагдсан "Эх хэл бичиг- бидний өв соёл" дэд хөтөлбөрийн хүрээнд Хүүхдийн цэцэрлэгээс нийт эцэг эхчүүдийнхээ дунд зохион байгуулсан "ӨВ СОЁЛ" -2019 тэмцээн маань амжилттай сайхан болж өндөрлөлөө. Уг тэмцээн 31 эцэг эх 4 баг болж оролцохоос гадна багийн мэндчилгээ, шагай шүүрэх, үйл урлах, шагай харваа, сээрний яс хугалах, ёс заншилтай холбоотой асуулт хариулт, ардын дууг хэн сайн дуулах вэ караоке тэмцээн зэрэг 9 төрлөөр зохион байгуулагдлаа. Дээрх тэмцээнд ӨВСӨН ГЭР баг тэргүүн байр, ҮЛЭМЖИЙН ЧАНАР баг дэд байр, үндэсний уламжлалаараа гоёсон багаар УГИЙН БИЧИГ баг, Сайхан хувцастай хосоор ӨЛЗИЙТ ХАЙРХАН багийн гишүүн Буянтогтох, Энхжаргал нар шалгарч ӨРГӨМЖЛЖӨЛ мөнгөн шагналаар шагнагдлаа.