“Эх хэл-Бидний бахархал” арга хэмжээ зохион байгууллагдав
“Монгол бичгийн үндэсний хөтөлбөр III”-ын арга хэмжээний хүрээнд төрийн албан хаагчдын дунд “Эх хэл-Бидний бахархал” үндэсний бичиг соёлоо сурталчлах арга хэмжээг сумын Ерөнхий боловсролын сургуулийн Монгол хэл, уран зохиолын багш Б.Одонтунгалагийн санаачлагаар зохион байгуулав.
“Эх хэл-Бидний бахархал” үндэсний бичиг соёлоо сурталчлах уралдаант арга хэмжээнд сумын Засаг даргын Тамгын газар, Эрүүл мэндийн төв, Хүүхдийн цэцэрлэг, Соёлын төвийн 25 албан хаагч оролцож, зөв сайхан бичих, үгийг зөв галиглаж унших, үгийг тийн ялгалаар хувилгах гэсэн гурван даалгавар гүйцэтгэв.
“Эх хэл-Бидний бахархал” үндэсний бичиг соёлоо сурталчлах уралдаант арга хэмжээний тэргүүн байранд сумын Засаг даргын Тамгын газрын хамт олон шалгарч, “Эх хэл-Бидний бахархал” арга хэмжээний 1 шатны “Хос бичигтэн-1” шилдэг оролцогчоор Засаг даргын Тамгын газрын Нягтлан бодогч М. Энхсайхан, Хүүхдийн цэцэрлэгийн Нярав Э. Цээням, Эрүүл мэндийн төвийн ахлах сувилагч Т. Сугир, Соёлын төвийн Нярав Д. Ариунцэцэг нар шалгарлаа.
5-р сарын 4, 2022 - 18:50
Updated: 1-р сарын 13, 2023 - 16:32
